چھوٹے ذہن کے لوگ قد اونچا کرنے کیلئے باتیں کررہے ہیں  : خورشید شاہ

سکھر(92نیوز)اپوزیشن  لیڈر  سید خورشید شاہ کا کہنا ہے کہ  چھوٹے ذہن کے لوگ  قد اونچا کرنے کے لئے  باتیں کر رہے ہیں  قائد  حزب  اختلاف  کی  حیثیت سے ان کا   منصب  بڑا ہے  چودھری  نثار  کے الزامات کا جواب  وزیر اعظم کی موجودگی میں پارلیمنٹ  میں دوں  گا خورشید  شاہ نے   الزامات  ثابت  نہ ہونے پر عدالت  جانے کا  بھی اعلان کیا۔ تفصیلات کےمطابق  چودھری  نثا رکی  تلخ ،ترش اور  تیز  باتیں خورشید  شاہ  کا سکھر میں بھی  پیچھا  کرتی رہیں  اسی لئے اپوزیشن لیڈر کا  میڈیا  سے  گفتگو میں محور اور مرکز   وزیر داخلہ  ہی تھے   اپوزیشن لیڈ ر نے کہا کہ  قد کے  بڑے  نظر آنے والے  لوگوں کے ذہن   بہت  چھوٹے ہیں چھوٹی  چھوٹی   باتوں کا جواب  دینا  ان کے منصب کا  تقا ضا  ہے نہ  چودھری  نثار  ان کے  کیلبر کے ہیں۔ خورشید  شاہ نے کہا کہ  نوازشریف  کو  حالات پر نظر رکھنی  چاہئے  کہ ان کی حکومت   میں کیا   ہو رہا ہے پھر  بولے  کہ   چودھری  نثار کی  باتوں کا  جواب وہ وزیراعظم کی موجودگی میں پارلیمنٹ  میں دیں گے۔ اپوزیشن لیڈ رنے باتوں باتوں میں یہ  بھی  کہہ دیا کہ  الزام  لگانے  والوں  نے  سب کی موجودگی  میں الزام  ثابت  نہ کیا  وہ   عدالت جائیں  گے ۔  خورشید شاہ   کا مزید کہنا  تھا کہ   پیپلز پارٹی  پر فرینڈلی  اپوزیشن  اور  مک مکا کے الزا مات لگائے  جاتے  ہیں مک  مکا  دو  طرفہ  ہوتا ہے الزام  لگانے والے  سمجھ  گئے  ہیں  کہ انہوں نے  غلط بات  کی۔