Tuesday, January 18, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

چلو پھر سے مُسکرا دیں!

چلو پھر سے مُسکرا دیں!
May 24, 2020

عید آئی ہے کیسی دھوم دھام سے

مناتے ہیں مسلمان ،

اسے بڑی شان سے

 کہیں بنتی ہیں سوّیاں

تو کہیں شیر خورما

سجتا ہے دستر خوان پر،

بریانی اور قورمہ

نت نئے رنگوں کی

پوشاک ہے پہنی جاتی

رنگِ حنا ہاتھوں کی ،

زینت بھی ہے بڑ ھاتی

ہنسنا ، ہنسانا ، ملِنا ، ملانا

پر دیکھو یہ نہ بھول جانا

رکھنا خیال اُنکا ،

جو ہیں نادار

بے بس و مجبو ر ۔ ۔ ۔ اور لاچار

دے دینا دسترخوان پر تھوڑی سی جگہ اُنکو

دینا تحفے میں کچھ کپڑے ،

ہو ضرورتِ لباس جنکو

بُھلا کر ساری ناراضگیاں

پہل کرکے مل لینا

اور جو چاہو خود کی معافی،

تو سیکھو معاف کرنا

منظور تھی شہادت جنکی

ماہِ صیام میں خدا کو

جدا وہ لوگ ہوئے حادثے میں

عظیم تر ’ ’الوداع“ کو

سائے میں اپنی رحمتوں کے

رکھے سب کو ربِ ذوالجلال

دیکھا جو عید کا ہلال،

آیا یہ دل میں خیال

مٹ جائے ہر دکھ زمانے سے

جو کرلیں سب ،

سب کا خیال!

***

شاعرِامن

کاشف شمیم صدیقی