Wednesday, October 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پی ڈی ایم کا سربراہ اجلاس چار فروری کو اسلام آباد میں طلب

پی ڈی ایم کا سربراہ اجلاس چار فروری کو اسلام آباد میں طلب
February 2, 2021

اسلام آباد (92 نیوز) پی ڈی ایم کا سربراہ اجلاس چار فروری کو اسلام آباد میں طلب کر لیا گیا۔ مولانا فضل الرحمان کی زیر صدارت اجلاس مسلم لیگ نون کے اسلام آباد سیکرٹریٹ میں ہو گا۔

 ذرائع کے مطابق اجلاس میں سینیٹ الیکشن، احتجاجی تحریک اور آئندہ کی حکمت عملی پر تبادلہ خیال ہو گا۔ بلاول بھٹو نے بھی سیاسی سرگرمیاں دوبارہ شروع کر دیں۔ کراچی سے اسلام آباد روانہ ہو گئے۔ اجلاس میں استعفوں کا معاملہ زیر غور آئے گا۔ اجلاس میں حکومت مخالف مہم تیز کرنے سے متعلق غور کیا جائے گا۔

 گزشتہ روز مولانا فضل الرحمٰن کا نوازشریف اور آصف زرداری سے ٹیلی فونک رابطہ ہوا تھا جس میں پی ڈی ایم کے آئندہ کے لائحہ عمل پر مشاورت کی گئی تھی۔ ذرائع کے مطابق نوازشریف سینیٹ انتخابات کے بعد لانگ مارچ کے حامی ہیں۔ ذرائع کا کہنا تھا کہ آصف علی زرداری مُصر ہیں کہ تحریک عدم اعتماد کا قانونی آپشن ہی بہترین حکمت عملی ہے۔ نوازشریف اور آصف زرداری کی الگ الگ ترجیحات کی وجہ سے مولانا فضل الرحمٰن چوراہے کے درمیان آگئے ہیں۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔