پی ٹی آئی کی عددی اکثریت پوری جہ ہونے پر پی پی کی نئی حکمت عملی تیار

لاہور ( 92 نیوز ) پاکستان تحریک انصاف کی عددی اکثریت پوری نہ ہونے پر پاکستان پیپلزپارٹی  نے نئی حکمت عملی تیار کر لی ۔ پیپلزپارٹی کی جانب سے تجویز سامنے آئی ہے کہ اگر عمران خان کی جماعت  عددی اکثریت پوری  نہ کر سکے  تو ا س کیلئے ہم پارلیمنٹ میں مقابلہ کر سکتے ہیں ۔ پیپلزپارٹی نے اپنی تجویز میں کہا ہے کہ عمران خان کے پا س حکومت بنانے کیلئے 7 ارکان کم ہیں ، اگر ہم سب مل جائیں تو وفاق میں حکومت بھی بنا سکتے ہیں ، اس تجویز کے تحت وزیراعظم پاکستان پیپلزپارٹی کا بنے گا، پیپلزپارٹی وزارت عظمیٰ کیلئے امیدوار بھی میدان میں  لے آئی ہے۔ پیپلزپارٹی ، پاکستان مسلم لیگ ن ، ایم ایم اے اور ایم کیو ایم مل کر عددی اکثریت حاصل کر سکتے ہیں  ، اب دیکھنا یہ ہے کہ اونٹ کس کروٹ بیٹھتا ہے اور  چار جماعتوں کے اشتراک سے اگر حکومت بن جاتی ہے تو  اس میں اتحاد کب تک برقرار رہے گا ۔ ایم کیو ایم اور مذہبی جماعتیں ماضی میں بھی مخلوط حکومت سے علیحدگی کی دھمکیاں دے کر اپنے مطالبات تسلیم کرواتی رہی ہیں ۔