Wednesday, October 20, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پی ٹی آئی کا لاہور کے بعد ملتان اور فیصل آباد میں بھی جلسوں کا اعلان

پی ٹی آئی کا لاہور کے بعد ملتان اور فیصل آباد میں بھی جلسوں کا اعلان
April 28, 2016
لاہور (92نیوز) پی ٹی آئی نے حکومت کے خلاف تحریک مزید تیز کرنے کا فیصلہ کیاہے۔ یکم کو لاہور کے بعد8 مئی کوملتان اور 13 کو فیصل آباد میں جلسے ہونگے۔ عمران خان کہتے ہیں لاہور کا جلسہ رائیونڈ دھرنے کی نیٹ پریکٹس ہو گی۔ نواز شریف سے حساب لے کر رہیں گے۔ وہ جتنے چاہے دورے کر لیں اور جتنی سڑکیں بنا لیں کوئی فرق نہیں پڑے گا۔ تفصیلات کے مطابق عمران خان نے لاہور میں یکم مئی کے جلسے کے حوالے سے اہم اجلاسوں کی صدارت کی۔ کارکنوں سے خطاب کیا اور اعلان کر دیا کہ جماعت کے اندر موجود تمام اختلافات ختم ہو چکے ہیں۔ وزیر اعظم کو پھر تنقید کا نشانہ بنایا اور کہا کہ نواز شریف نے قوم کا پیسہ لوٹ کر بیٹوں کی آف شور کمپنیاں بنائیں۔ انہوں نے کہا کہ کلثوم نواز سچی خاتون ہیں جنہوں نے تسلیم کیا کہ لندن میں ان کے فلیٹس ہیں۔ اب فیصلہ کن وقت آگیا ہے نوازشریف کوبھی اب سچ بولنا ہو گا۔ ان سے تو زرداری بہتر تھے۔ عمران خان نے کہا کہ تمام جماعتیں فیصلہ کر چکی ہیں کہ عدالتی کمیشن صرف وزیراعظم کے خاندان کی تحقیقات کرے گا۔ وہ جلد قوم کو نواز شریف کے تین ارب کی کہانی بتائیں گے۔ لاہور میں حکومت کے خلاف بھرپور مظاہرہ ہوگا۔ اس سے قبل لاہور پہنچنے پر ائیر پورٹ پر گفتگو کرتے ہوئے عمران خان کا کہنا تھا کہ حکومت کو پانامہ لیکس کے بعد جہانگیر ترین یاد آیا۔ پہلے کیا سوئے ہوئے تھے۔ یہ احتساب نہیں بلیک میلنگ ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔