Monday, October 25, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پی ایچ ایف کو سابق ہاکی کھلاڑی نیلما حسن کی طرف سے 20کروڑ 10لاکھ ہرجانے کا نوٹس

پی ایچ ایف کو سابق ہاکی کھلاڑی نیلما حسن کی طرف سے 20کروڑ 10لاکھ ہرجانے کا نوٹس
May 11, 2016
لاہور(92نیوز)پاکستان ہاکی فیڈریشن کو قومی ٹیم کی سابق کھلاڑی نیلما حسن کو بلیک لسٹ کرنے پر 20 کروڑ 10 لاکھ ہرجانے کا نوٹس وصول ،سیکرٹری پی ایچ ایف نے رد عمل دیتے ہوئے کہا کہ خط نیب کی تحقیقا ت کی روشنی میں جاری کیا گیا ،ایجنسیاں اپنا کام جاری رکھیں گی ۔ تفصیلات کےمطابق پاکستان ہاکی فیڈریشن کے جنرل سیکرٹری شہبازسینئر نے نوٹس وصول کرنے کی تصدیق کرتے ہوئے کہا  کہ نیلما حسن کے معاملے میں نیب کا خط پی ایچ ایف کے ریکارڈ میں ہےجسکی وجہ سے تنبیہی لیٹر جاری کیا گیا تھا ۔ان کا  مقصد نیلما حسن کی دل آزاری یا ان کے خاندان کو دکھ پہنچانا نہیں تھا وہ نیلما حسن سے ذاتی حیثیت میں معذرت کرتے ہیں۔ شہبازسینئر کا کہنا تھا کہ کلبز کی وجہ سے پی ایچ ایف کی ساکھ کو نقصان نہیں پہنچنے دیں گے۔ قبل ازیں پی ایچ ایف نے ہاکی ٹیم کی سابقہ کھلاڑی نیلما حسن اور ان کے شوہر کے ٹائیگرہاکی کلب پر پابندی لگا کر دونوں کو بلیک لسٹ کر دیا تھا۔ نیلما حسن نے پی ایچ ایف کو ہتک عزت کا 20 کروڑ 10 لاکھ کا نوٹس بھجوایا ،نیلماحسن کاکہناہے کہ ان کا انسانی سمگلنگ سے کوئی تعلق نہیں دوسری طرف  انسانی سمگلنگ کا الزام لگانے والے ہاکی کھلاڑی جنیدمیر اپنے موقف پر قائم ہیں۔ اسلام آ باد میں قائم ٹائیگر ہاکی کلب کے معاملات کی چھان بین ایک طرف پی ایچ ایف کر رہا ہے تو دوسری طرف ایف آ ئی اےاور نیب بھی اپنی تحقیقات جاری رکھے ہوئے ہیں ۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔