پی ایس ایل کا فائنل کراچی ٹریفک پولیس نے انتظامات مکمل کر لئے

کراچی ( 92 نیوز) کراچی میں پی ایس ایل فائنل کیلئے ٹریفک پولیس نے انتظامات مکمل کرلئے ، کرکٹ کے دیوانوں کیلئے 5 مقامات سے شٹل سروس چلائی جائے گی ۔ پی ایس ایل  ایڈیشن تھری کا فائنل 25 مارچ کو کراچی میں کھیلاجائے گا۔ انتظامات کیلئے 1600 اہلکار ذمہ داریاں سنبھالیں گے  ۔

ٹریفک پلان کے مطابق پہلا ڈائی ورژن کارساز روڈ کا ٹرننگ پوائنٹ ہوگا ، جہاں عام ٹریفک کا داخلہ بالکل  بھی نہیں ہوسکے گا  ، صرف شٹل سروس کے ذریعے اسٹیڈیم تک جانے کی اجازت ہوگی  ۔

یونیورسٹی روڈ سے دائیں جانب جانے اسٹیڈیم والا ٹریک بھیروزانہ کیطرح استعمال نہیں ہوسکے گا ، گاڑیوں کو گلشن اقبال اور لیاقت آباد 10 کی طرف موڑ دیا جائے گا  ۔

نیوٹاؤن سے اسٹیڈیم جانیوالی سڑک پر بھی عام ٹریفک کی اجازت نہیں ہوگی ، صرف اسپتال جانے والے مریض، ڈاکٹر، پیرامیڈیکل اسٹاف اور

ایمبولینسز جاسکیں گی ، ڈالیما روڈ بھی بند ہوگی ، لیکن رہائشی شناختی کارڈ دکھاکرجاسکتے ہیں ، عام ٹریفک ڈرگ روڈ کیطرف روانہ کردی جائے گی  ۔

نیپا چورنگی سے جیل روڈ کے راستے پر بھی صرف علاقہ مکینوں کو ہیجانے کی اجازت ہوگی ، شائقین کرکٹ اردو یونیورسٹی گراؤنڈ اور بیت المکرم مسجد سے شٹل سروس کے ذریعے میچ دیکھنے جاسکیں گے ۔