Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پی ایس ایل فائنل کیلئے کراچی اسٹیڈیم میں تیاریاں جاری

پی ایس ایل فائنل کیلئے کراچی اسٹیڈیم میں تیاریاں جاری
February 10, 2018

کراچی ( 92 نیوز ) پاکستان سُپر لیگ کے فائنل کیلئے کراچی کے نیشنل اسٹیڈیم میں تیاریاں زورو شور سے جاری ہیں  ۔ غیرملکی سیکیورٹی ماہرین ریگ ڈیکاسن، رچرڈ ڈینس بھی کراچی پہنچے

اور اسٹیڈیم کی سیکیورٹی کا جائزہ لیا ۔

 اس موقع پر نیشنل اسٹیڈیم کی سکیورٹی غیرمعمولی  تھی جب کہ پولیس اور رینجرز کی بھاری نفری صبح سے ہی تعینات  تھی ۔

غیرملکی سکیورٹی ماہرین کو ایئرپورٹ سے نیشنل اسٹیڈیم لایا گیا  ۔  ایڈیشنل آئی جی مشتاق مہر اور پی سی بی سکیورٹی افسر بھی اسٹیڈیم پہنچے ۔

سیکیورٹی ماہرین کل ہونے والی فل ڈریس ریہرسل کا جائزہ لیں گے ۔

ڈی آئی جی ایسٹ سلطان خواجہ نے بتایا کہ فل ڈریس ریہرسل کیلئے انتظامات مکمل کرلئے گئے  ہیں ، جب کہ شہریوں کو ٹریفک انتظامات سے متعلق بھی آگاہ کردیا جائے گا ۔

پی ایس ایل تھری کا فائنل 25 مارچ کو کھیلا جائے گا ، جس کی سکیورٹی کیلئے 8 ہزار اہلکار فرائض انجام دیں گے ۔

غیرملکی سیکیورٹی ماہرین فل ڈریس ریہرسل کے بعد روانہ ہوجائیں گے  ، جبکہ ریہرسل کی ویڈیو آئی سی سی اور انٹرنیشنل کرکٹرز کی تنظیم کو بھی دکھائی جائے گی ۔