پی ایس ایل فائنل کیلئے شہرقائد کی سجاوٹ کا سلسلہ جاری

کراچی ( 92 نیوز) پی ایس ایل فائنل کیلئے شہرقائد کو خوبصورتی سے سجایا جا رہا ہے ، شارع فیصل پر کھلاڑیوں کے پوسٹرز آویزاں کردیئے گئے ہیں  جبکہ طلبہ ابھی سے فائنل کیلئے انتہائی پرجوش ہیں ۔

انٹرنیشنل کھلاڑی بھی فائنل کیلئے روشنیوں کے شہر آئیں گے   جہاں  شائقین کرکٹ کا جذبہ آسمانوں پر پہنچ گیا ہے ۔

جامعہ کراچی کے طلبہ بھی فائنل کیلئے تیار  ہیں ، پی ایس ایل کا فائنل 25 مارچ کو نیشنل اسٹیڈیم میں کھیلا جائے گا   ، جس کی سکیورٹی کیلئے تمام انتظامات مکمل کرلئے گئے  ہیں ۔

کرکٹ کے دیوانوں کو امید ہے کہ اب پاکستان میں انٹرنیشنل کرکٹ بھی بحال ہوجائے گی ۔