Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پی آئی اے کا ایک اور طیارہ کابل سے مسافروں کو لے کر اسلام آباد پہنچ گیا

پی آئی اے کا ایک اور طیارہ کابل سے مسافروں کو لے کر اسلام آباد پہنچ گیا
August 19, 2021 --- ویب ڈیسک

اسلام آباد (92 نیوز) قومی ائیر لائن (پی آئی اے) کا ایک اور طیارہ کابل سے مسافروں کو لے کر اسلام آباد پہنچ گیا۔

پرواز صبح 7 بجے کابل سے اسلام آباد کے ہوائی اڈے پر پہنچی، نئی افغان حکومت بننے کے بعد یہ پہلی بین الاقوامی پرواز تھی۔ پرواز میں اکثریت غیرملکیوں کی ہے، غیرملکی سفارتی مشن اور عالمی اداروں کے افراد شامل ہیں۔

مسافروں کی ائیرپورٹ تک رسائی و اجازت نامے پی آئی اے کے کابل میں موجود زمینی عملے نے انتظامات کئے۔

پی آئی اے حکام کے مطابق سکیورٹی وجوہات کی بنیاد پر اس پرواز کی معلومات محدود رکھی گئیں تھیں۔ پرواز کیلئے پی آئی اے انتظامیہ افغان حکومت و سول ایوی ایشن اور نیٹو حکام کے ساتھ لمحہ بہ لمحہ رابطے میں تھے۔

ترجمان پی آئی اے کے مطابق پی ائی اے کے سچوئیشن روم سے سی ای او پی آئی اے ارشد ملک نے براہ راست آپریشن کی نگرانی کی۔

وزیر اعظم پاکستان و دیگر اعلیٰ حکومتی عہدیداران کو بھی مطلع رکھا گیا۔ سی ای او پی آئی اے ارشد ملک و دیگر اعلیٰ انتظامیہ پرواز کے استقبال کیلئے خود ائیرپورٹ پر موجود تھی۔ اہم پرواز کو آپریٹ کرنے والے عملے کو شاباش دی اور مسافروں کو خوش آمدید کہا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔