Tuesday, December 7, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پیپلز پارٹی نے اوپن بیلٹ سے سینیٹ الیکشن کے آرڈیننس کو آئین پر حملہ قرار دیدیا

پیپلز پارٹی نے اوپن بیلٹ سے سینیٹ الیکشن کے آرڈیننس کو آئین پر حملہ قرار دیدیا
February 7, 2021

کراچی (92 نیوز) پیپلز پارٹی نے اوپن بیلٹ سے سینیٹ الیکشن کے آرڈیننس کوآئین پر حملہ قرار دیدیا ۔ شیری رحمان اور رضا ربانی کا پریس کانفرنس میں کہنا تھا آئین میں ترمیم پارلیمنٹ کا استحقاق ہے۔

رہنما پیپلز پارٹی شیری رحمٰن نے کہا صدارتی آرڈیننس آئین اور پارلیمنٹ پر حملہ ہے۔ پی ٹی آئی پارلیمنٹ کو آرڈیننس فیکٹری بنا رہی ہے۔ آرڈیننس جاری کرکے آئینی بحران پیدا کردیا گیا۔ ہم ہر سطح پر انہیں چیلنج کریں گے، یہ خود ہی ایکسپوز ہوں گے۔

رضاربانی بولے کہ آرڈیننس کی مدت 120 دن ہے، آپ کیا مذاق کر رہے ہیں۔ آرڈیننس لا کر سپریم کورٹ پر دباؤ ڈالنے کی کوشش کی جارہی ہے۔ یہ کیسی کابینہ ہے جو آئین و قانون کے ساتھ کھیل رہی ہے۔