Saturday, January 29, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پنجاب میں رواں ماہ کورونا خوفناک حد تک پھیلنے کی وارننگ

پنجاب میں رواں ماہ کورونا خوفناک حد تک پھیلنے کی وارننگ
June 4, 2020

لاہور ( 92 نیوز ) رواں ماہ پنجاب  میں کورونا خوفناک حد تک پھیلنے کی وارننگ دے دی گئی ، محکمہ صحت کی جانب سے کابینہ کمیٹی میں پیش رپورٹ 92 نیوز سامنے لے آیا۔

پنجاب میں لاک ڈاؤن میں نرمی سے کورونا کیسز اور اموات میں ہوشربا اضافہ ہوا ، 30جون تک صوبے میں کورونا مریضوں کی تعداد 60ہزار تک پہنچ جائے گی۔

ادھر کورونا وائرس قابو سے باہرہو گیا ،  ایک روز میں ریکارڈ چارہزار 688 نئے کیسز رپورٹ ہوئے ۔ مریضوں کی تعداد  85ہزار سے تجاوز کرگئی۔

گزشتہ 24 گھنٹے میں وائرس  82جانیں نگل گیا، مجموعی اموات ایک ہزار 770 ہوگئی ، ادھر سروسز اسپتال کے شعبہ اینستھیزیا کے ایسوسی ایٹ پروفیسر ڈاکٹر حافظ مقصود بھی کورونا سے جاں بحق ہو گئے ۔