Wednesday, October 5, 2022

پلوامہ حملے بارے بھارتی حکمران جماعت کے مبینہ احکامات کی آڈیو ریکارڈنگ سامنےآگئی

پلوامہ حملے بارے بھارتی حکمران جماعت کے مبینہ احکامات کی آڈیو ریکارڈنگ سامنےآگئی
نئی دہلی ( 92 نیوز ) مودی سرکار کی مکاریاں اور ناپاک ارادے ایک اور بھارتی شہری نے بھی بے نقاب کر دیئے۔ پلوامہ حملے بارے بھارتی حکمران جماعت کے مبینہ احکامات کی آڈیو ریکارڈنگ سامنےآگئی۔   مودی سرکار الیکشن جیتنے کی خاطر فوجی جوانوں کی لاشوں پر سیاست کرنے لگی ۔بھارتی شہری اوی دندیا نے  بی جے پی  حکومت کے ناپاک ارادوں کا بھانڈا پھوڑ دیا۔ شہری نے فیس بک لائیو پر  مبینہ آڈیو ٹیپ  شیئر کی ہے جس میں بی جے پی کے سینئر رہنما راج ناتھ سنگھ اور امیت شاہ کانفرنس کال پر  مبینہ خاتون ایجنٹ سے پلوامہ میں حملے کی بات کررہے ہیں ۔ آڈیو  ٹیپ میں سُنا جاسکتا ہے کہ  ایک رہنما کہتا ہے کہ الیکشن کیلئے جنگ کرانا ضروری ہے ، جس پر خاتون جواب دیتی ہے کہ امیت جی! آپ کے کہنے سے   جنگ نہیں ہوگی۔ اس دوران ایک اور لیڈر جواب دیتا ہے کہ فورسز کے جوانوں کے معاملے پر دیش بہت جذباتی ہے  ،یہی گڑبڑ کرانا ہوگی۔ بات یہیں ختم نہیں ہوتی ہے  ، مبینہ خاتون ایجنٹ مشورہ دیتی ہے کہ ایک دو جوانوں کے مارے جانے سے کچھ نہیں ہوگا، کشمیر کے آس پاس پیرا ملٹری فورس پر حملہ کراتے ہیں ، جس میں ایک سو پچاس جوان مریں گے تو   ہی فائدہ ہوگا۔ مبینہ آڈیو ٹیپ منظر عام پر آنے کے بعد   یہ واضح ہوچکا  کہ مودی سرکار اپنی ناکامیاں چھپانے اور  الیکن جیتنے کیلئے بھارتی افواج اور عوام کی زندگیوں سے کھیل رہی ہے ۔