Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پاک بحریہ کے سربراہ کی اٹلی کے چیف آف ڈیفنس جنرل سٹاف سے ملاقات

پاک بحریہ کے سربراہ کی اٹلی کے چیف آف ڈیفنس جنرل سٹاف سے ملاقات
September 28, 2018
اسلام آباد (92 نیوز) دورہ ا ٹلی کے دوران پاک بحریہ کے سربراہ ایڈمرل ظفر محمود عباسی کی اٹلی کے چیف آف ڈیفنس جنرل سٹاف اور سیکرٹری ڈیفنس سے ملاقاتیں ہوئیں۔ پاک بحریہ کے سربراہ ایڈمرل ظفر محمود عباسی اٹلی کے سرکاری دورے پر تھے۔ دورے کے دوران نیول چیف نے اٹلی چیف آف ڈیفنس جنرل سٹاف ، جنرل کلاڈیو گرازیانو  اورسیکرٹری جنر ل ڈیفنس ،لیفٹیننٹ جنرل کارلومگراسی سے ملاقاتیں کیں۔ ملاقاتوں کے دوران باہمی دلچسپی کے پیشہ ورانہ اُمور اور دو طرفہ دفاعی تعاون پر تبادلہ خیال کیا گیا۔ اٹلی کے چیف آف ڈیفنس جنرل اسٹاف اورسیکرٹری جنر ل ڈیفنس نے سمندر میں قانون کی بالادستی اور امن و استحکام کے قیام میں پاک بحریہ کے کردار اور خدمات کو سراہا۔ پاک بحریہ کے سربراہ اور اٹلی کے حکام نے پاکستان اور اٹلی کے مابین تربیت ، باہمی خیر سگالی دوروں اور دفاعی اشتراک کے شعبوں میں موجود تعلقات میں مزید مضبوطی اور وسعت لانے پر اتفاق کیا۔