Sunday, November 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاک بحریہ کے جہاز پی این ایس ذوالفقار کا الجزائر کا دورہ

پاک بحریہ کے جہاز پی این ایس ذوالفقار کا الجزائر کا دورہ
August 15, 2021 --- ویب ڈیسک

کراچی (92 نیوز) پاک بحریہ کے جہاز پی این ایس ذوالفقار نے الجزائر کا دورہ کیا، میزبان بحریہ کے حکام نے پاک بحریہ کے جہاز کا استقبال کیا، مشن کمانڈر کی جہاز کے کمانڈنگ آفیسر کے ہمراہ میزبان بحری حکام سے اہم ملاقاتیں ہوئیں، باہمی دلچسپی کے اُمور پر تبادلہ خیال کیا۔

ترجمان پاک بحریہ کے مطابق مشن کمانڈر نے امیرالبحر کی جانب سے الجزاٸر کے عوام بالخصوص الجزاٸر کی بحریہ کے لیے خیر سگالی کا پیغام بھی پہنچایا۔

الجزائر میں تعینات پاکستان کے سفیر عطاءالمنعم شاہد اور میزبان عسکری حکام نے پاک بحریہ کے جہاز کا دورہ بھی کیا۔

 الجزائر آمد سے قبل پی این ایس ذوالفقار نے مراکشی بحریہ کے جہاز ”سلطان مولے اسمٰعیل“ کے ہمراہ جبرالٹر کے مقام پر مشترکہ بحری مشق میں بھی حصہ لیا۔ مشق کے دوران جدید بحری آپریشنز کا مظاہرہ کیا گیا۔

ترجمان کے مطابق پاک بحریہ کے جہاز کا الجزائر کا دورہ اور الجزائر ومراکشی بحریہ کے ساتھ دوطرفہ مشقوں میں شرکت دوست ممالک کی بحری افواج کے ساتھ مضبوط تعلقات کا عکاس ہے۔