Thursday, February 2, 2023

پاک بحریہ کے جہازوں کا ایران کی بندرگاہ بندر عباس کا دورہ

پاک بحریہ کے جہازوں کا ایران کی بندرگاہ بندر عباس کا دورہ
 کراچی (92 نیوز) پاک بحریہ کے جہازوں پی این ایس خیبر، راہ نورد ، مدد گار اور پاکستان میری ٹائم سیکورٹی ایجنسی کے جہاز ژوب نے ایران کی بندرگاہ بندر عباس کا دورہ کیا۔ ترجمان پاک بحریہ کے مطابق بندر گاہ آمد پر ایرانی بحریہ کے آفیسرز نے جہاز کا پُر جوش استقبال کیا۔ مشن کمانڈر کموڈور محمد سلیم نے ایرانی فرسٹ نیول ریجن کے کمانڈر اور گورنر ہرموزگان سے ملاقاتیں کی۔ ملاقاتوں کے دوران باہمی دلچسپی کے امور اور دو طرفہ تعاون پر تبادلہ خیال کیا گیا۔ ترجمان پاک بحریہ نے کہا مختلف ممالک کے سفارت کاروں اور ایرانی بحریہ کے آفیسرز نے پی این ایس خیبر کا دورہ بھی کیا۔ جہازوں کے ان دوروں سے دونوں ممالک کے درمیان برادرانہ تعلقات کو مزید فروغ ملے گا۔