پاک اسکاٹ لینڈ ٹی 20 سیریز، قومی ٹیم کی ایڈنبرا میں پریکٹس

ایڈنبرا( 92 نیوز ) انگلینڈ سے دو ٹیسٹ میچز کی سیریز ایک ایک سے برابر کرنے کے بعد شاہینوں نے  اسکاٹ لینڈ کے شہر ایڈنبرا میں ڈیرے ڈال لئے ہیں ۔ قومی کرکٹ ٹیم اسکاٹ لینڈ کے خلاف ٹی 20 سیریز کھیلے گی جب کہ  ایڈنبرا میں  بھرپور پریکٹس بھی کی گئی ، کپتان سرفراز احمد کہتے ہیں کہ اسکاٹ لینڈ کو آسان حریف نہیں سمجھنا چاہئے ۔ گرین شرٹس نے اسکاٹ لینڈ کیخلاف ٹی 20 سیریز کے لیےتیاریوں کا آغاز کر دیا اور ایڈنبرا میں جم کر پریکٹس کی ، پلئیرز  نے، ٹریننگ سیشن میں فیلڈنگ ،بیٹنگ اور باؤلنگ کی صلاحیتوں کو مزید نکھارنے کیلئے مشقیں کیں ۔ ٹی 20 میچز کیلئے شاہین شاہ آفریدی،آصف علی،حسین طلعت،احمد شہزاد اور محمد نواز نے بھی ٹیم کو جوائن کر لیا ہے ۔ پاکستان اور اسکاٹ لینڈ  کے درمیان دو میچوں پر مشتمل ٹی ٹوینٹی  سیریز کاپہلا میچ ،12 ،دوسرا  13جون کو کھیلا جائے گا ۔