Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پاکستان کی جانب سے مقبوضہ کشمیر میں کشمیریوں کے ماورائے عدالت قتل عام کی مذمت

پاکستان کی جانب سے مقبوضہ کشمیر میں کشمیریوں کے ماورائے عدالت قتل عام کی مذمت
December 14, 2021 ویب ڈیسک

اسلام آباد (92 نیوز) پاکستان کی جانب سے مقبوضہ کشمیر میں کشمیریوں کے ماورائے عدالت قتل عام کی مذمت کی گئی۔

ترجمان دفتر خارجہ عاصم افتخار کے مطابق شوپیاں میں مزید دو کشمیریوں کو ماورائے عدالت قتل کیا گیا۔ قابض بھارتی فورسز نے دونو‌ں کشمیریوں کو 13 دسمبر کو سرینگر میں شہید کیا۔ قابض بھارتی فورسز نے گزشتہ ایک ماہ میں جعلی آپریشنز میں 19 معصوم کشمیری شہید کیے۔ بھارتی قابض فورسز پورے استثنیٰ کے ساتھ کشمیریوں کا قتل عام کر رہی ہیں۔

ترجمان دفتر خارجہ کا کہنا ہے انسانی حقوق کی سنگین خلاف ورزیوں پر اقوام متحدہ کمیشن آف انکوائری سے تحقیقات کروائی جائیں۔ اقوام متحدہ سمیت عالمی برادری مقبوضہ کشمیر میں انسانی حقوق کی صورتحال کا فوری نوٹس لیں۔ کشمیریوں کی آواز سنی، حق خودارادیت کی جائز، منصفانہ جدوجہد میں مدد دی جائے۔