ویب ڈیسک: سونے کی قیمت ایک بار پھر بڑھ گئی ہے، سونے کے نرخوں میں 600 روپے فی تولہ اضافہ ہو گیا۔
تفصیلات کے مطابق اس اضافے کے بعد سونے کے فی تولہ نرخ 2 لاکھ 75 ہزار 500 روپے کی سطح پر پہنچ گئے ہیں۔
واضح رہے کہ مشرق وسطی میں کشیدہ صورتحال کی وجہ سے سونے اور تیل کی قیمتوں میں اضافہ ہونا شروع ہو گیا ہے۔
پاکستان میں دس گرام سونے کے نرخ 515 روپے مزید بڑھے ہیں جس کے بعد 10 گرام سونا دو لاکھ 36 ہزار 197 روپے کی سطح پر آ گیا ہے جبکہ چاندی کی فی تولہ قیمت بغیر کسی تبدیلی کے 3050روپے مستحکم رہی۔
دوسری جانب عالمی مارکیٹ میں سونے کی فی اونس قیمت میں 6 ڈالر کا اضافہ ہوا ہے جس کے بعد فی اونس قیمت 2653 روپے کی سطح پر آ گئی ہے۔