پاکستان اور ویسٹ انڈیز دوسرے ٹی 20 میں آج پنجہ آزمائی کریں گے
![پاکستان اور ویسٹ انڈیز دوسرے ٹی 20 میں آج پنجہ آزمائی کریں گے](https://urdu.92newshd.tv/wp-content/uploads/2018/04/second-t20.jpg)
کراچی (92 نیوز) پاکستان اور ویسٹ انڈیز دوسرے ٹی 20 میں آج پنجہ آزمائی کریں گے ۔ دونوں ٹیمیں شام ساڑھے سات بجے ان ایکشن ہوں گی ۔
گرین شرٹس سیریز اپنے نام کریں گے یا ویسٹ انڈین ٹیم کم بیک کرے گی ،دوسراٹی 20 آج کھیلا جائے گا ۔
سرفراز الیون جیت کا تسلسل برقرار رکھنے کے لیے پر عزم ہیں تو کیربنیرٹیم نے بھی سیریز میں واپسی کے لیے کمر کس لی ۔
کپتان جیسن محمد نے کہا کہ اگلے میچز میں نئی حکمت عملی اپنائیں گے اور اچھی پرفارمنس دکھانے کی کوشش کریں گے ۔
پاکستان کو عالمی رینکنگ میں پہلی پوزیشن برقرار رکھنے کے لیے سیریز میں کلین سوئپ فتح درکار ہے ۔
گرین شرٹس کیجانب سے دوسرے مقابلے میں بھی وننگ کمبی نیشن برقرار رکھنے کا امکان ہے ۔
آج بھی سات مختلف مقامات پر پارکنگ ایریا بنائے گئے ہیں ۔ شائقین کو شٹل سروس کے ذریعے ہی اسٹیڈیم پہنچایا جائے گا ۔ شہری انتظامات سے خوش ہیں ۔
پولیس اور رینجرز کےبھاری نفری نیشنل اسٹیڈیم کے اطراف تعینات ہے ۔ مانیڑنگ روم میں سی سی ٹی وی کیمروں کی مدد سے نگرانی بھی کی جارہی ہے ۔
پہلے ٹی ٹوئنٹی میچ میں پاکستانی ٹیم نے ویسٹ انڈیز کو شکست دے دی تھی ۔