Friday, December 3, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستان اور نیوزی لینڈ پہلے ٹی 20 میں آج ٹکرائیں گے

پاکستان اور نیوزی لینڈ پہلے ٹی 20 میں آج ٹکرائیں گے
January 21, 2018

ولنگٹن ( 92 نیوز ) شاہینوں نے ون ڈے کی شکست بھلا کر ٹی 20 سیریز پر نظریں جما لیں ۔ مختصر فارمیٹ کے بڑے مقابلوں کا آغاز کل سے ہوگا ۔ پاکستان اور نیوزی لینڈ پہلے ٹی 20میں آج ولنگٹن کے میدان میں ٹکرائیں گے ۔

پاکستان اور نیوزی لینڈ کے درمیان ٹی 20 سیریز کا  آغاز آج سے ہو رہا ۔ پہلے معرکے میں دونوں ٹیمیں ولنگٹن کے میدان میں  آمنے سامنے ہوں گی  ۔ میچ پاکستانی وقت کے مطابق صبح آٹھ بجے شروع ہو گا  ۔

چوتھے ایک روزہ مقابلے میں انجری کا شکار ہونے والے آل راؤنڈر شعیب ملک ٹی 20 سیریز میں ان ایکشن نہیں ہوں گے ۔

سرفرازالیون نےپے در پے شکتوں پر مرہم رکھنے کے لیے خوب پریکٹس کی  ۔ کوچز نے کھلاڑیوں کو  سخت ٹریننگ کروائی  ۔پلیئرز نے بھی غلطیوں پر قابو پانے کے لیے خوب جان ماری ۔

موجودہ عالمی ٹی 20 رینکنگ میں  کیویز 126 پوائنٹس کیساتھ پہلے  جبکہ پاکستان 124 پوائنٹس کےساتھ دوسرے نمبر پر موجود ہیں ۔

گرین شرٹس کے پاس ایک بار پھر پہلی  پوزیشن پر قبضہ جمانے کا نادر موقع ہے  ۔ قومی ٹیم سیریز دو ایک سے بھی اپنے نام کر لے تو پہلی پوزیشن حاصل کر لے گی ۔