Friday, January 21, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پاکستان اور جنوبی افریقہ کے درمیان دوسرا ٹیسٹ کل کھیلا جائے گا

پاکستان اور جنوبی افریقہ کے درمیان دوسرا ٹیسٹ کل کھیلا جائے گا
January 3, 2019
کیپ ٹاؤن (92 نیوز) پاکستان اور جنوبی افریقہ کے درمیان دوسرا ٹیسٹ کل سے کیپ ٹاؤن میں کھیلا جائے گا۔ سرفرازالیون کے پاس سیریز میں واپس آنے کا موقع آگیا۔ شاہین اور پروٹیز کل پھر ایک دوسرے کے مدمقابل ہوں گے۔ کیپ ٹاؤن میں پریکٹس سیشن میں کھلاڑیوں نے خوب پسینہ بہایا۔ کھلاڑیوں نے فیلڈنگ ،بولنگ  اور بیٹنگ کی خامیوں پر قابو پانے کے لیے بھرپور مشقیں کیں۔ غلطیوں کی گنجائش بالکل نہیں ۔ کپتان سرفراز احمد نے دوسرے ٹیسٹ کےلیے حکمت عملی بنا لی۔ قومی ٹیم کیلئے اچھی خبر یہ ہے کہ فاسٹ باؤلر محمد عباس ان ایکشن ہوں گے۔ وکٹ کیپر محمد رضوان کی بھی ٹیم میں شمولیت کا امکان ہے۔ دوسری جانب پہلے ٹیسٹ میں ناقص پرفارمنس پر اسد شفیق کی جگہ محمد رضوان کو فائنل الیون میں شامل کیے جانے کا امکان ہے۔ تین میچوں کی سیریز میں جنوبی افریقہ کو ایک صفر کی برتری حاصل ہے۔