Tuesday, December 7, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستان اور آسٹریلیا ٹی ٹوئنٹی ورلڈکپ کے دوسرے سیمی فائنل میں آج آمنے سامنے ہونگے

پاکستان اور آسٹریلیا ٹی ٹوئنٹی ورلڈکپ کے دوسرے سیمی فائنل میں آج آمنے سامنے ہونگے
November 11, 2021 --- ویب ڈیسک

دبئی (92 نیوز) کرکٹ کی عالمی جنگ کا بڑا معرکہ سجنے کو تیار ہے۔ پاکستان اور آسٹریلیا کے درمیان آج بڑا مقابلہ ہو گا۔

دونوں ٹیمیں آج شام سات بجے دوسرے سیمی فائنل میں  مدمقابل ہوں گی۔ قومی ٹیم نے آسٹریلیا کے خلاف بڑے معرکے کے لیے دبئی میں بھرپور پریکٹس کی۔ کھلاڑیوں نے بیٹنگ ،باؤلنگ اور فیلڈنگ کی ٹریننگ کی ۔ کوچز نے خامیوں پر قابو پانے کے لیے ٹپس دیں۔

چیئرمین پی سی بی رمیز راجہ نے سیمی فائنل سے پہلے قومی ٹیم کے نام اہم پیغام میں کہا ٹیم آسٹریلیا کےخلاف بغیر پریشر کے میدان میں اترے۔ انہوں نے بابر اعظم کی کارکردگی کو شاندار اور ٹیم کے اعتماد کو ناقابل شکست قرار دے دیا اور کہا قومی ٹیم نے اپنی کارکردگی سے خود کو بہترین ثابت کیا۔ اب ناک آؤٹ راؤنڈ میں انہیں کوئی ٹیم نہیں ہرا سکتی۔

ہیڈ کوچ میتھیو ہیڈن کا کہنا ہے بابر اعظم کے پاس بہتر ہنر ہے۔ اسلام پاکستانی کھلاڑیوں کو متحد کرتا ہے۔ آسٹریلوی کرکٹ کے ٹیم کپتان ایرون فنچ بھی  قومی کرکٹرز کی صلاحیتوں کے معترف نگلے۔