Monday, November 29, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستانی ٹیم کی بھارت کیخلاف تاریخی فتح پر ملک بھر میں شائقین کرکٹ کا جشن

پاکستانی ٹیم کی بھارت کیخلاف تاریخی فتح پر ملک بھر میں شائقین کرکٹ کا جشن
October 25, 2021 --- ویب ڈیسک

لاہور (92 نیوز) پاکستانی کرکٹ ٹیم کی بھارت کے خلاف تاریخی فتح پر ملک بھر میں شائقین کرکٹ نے جشن منایا، فتح کے بعد شہریوں کی بڑی تعداد پاکستان زندہ باد کے نعرے لگاتے ہوئے گھروں سے باہر نکل آئی۔

پاکستان کی شاندار فتح کا شاندار جشن، پورا ملک جیت کی خوشیاں منانے میں مصروف ہے۔ بھارت کے خلاف فتح پر شائقین کے دل مچل اُٹھے۔ منچلے ٹولیوں کی صورت میں گھروں سے باہر نکل آئے۔ شہریوں نے ڈھول کی تھاپ پر بھنگڑے ڈالے۔

راولپنڈی میں شہریوں نے پاکستان کی فتح کا شاندار جشن منایا، گوجرانوالہ میں بھی شائقین خوشی سے نہال ہوگئے۔ ڈھول کی تھاپ پر بھنگڑے اور پاکستان زندہ باد کے نعرے لگائے۔ شہریوں نے مٹھائیاں بھی تقسیم کیں۔

میرپور آزاد کشمیر میں نوجوان سڑکوں پر نکل آئے، جشن منایا اور ہوائی فائرنگ بھی کی، نعرے بازی بھی کی گئی۔

میرپور خاص میں منچلوں نے بھنگڑے ڈالے، ہوائی فائرنگ اور آتش بازی کی۔ رینالہ خورد میں شہریوں نے ڈھول کی تھاپ پر بھنگڑے ڈالے۔

مظفرگڑھ میں شہریوں کی بڑی تعداد نے قنوان چوک پر ٹیم کے حق میں نعرے بازی کی۔