Thursday, January 20, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پاناما پولیس کے دستاویزات لیک کرنے والی کمپنی کے دفاتر پر چھاپے

پاناما پولیس کے دستاویزات لیک کرنے والی کمپنی کے دفاتر پر چھاپے
April 13, 2016
لندن (ویب ڈیسک) پاناما میں پولیس کے دستاویزات لیک کرنے والی کمپنی موساک فونسیکا کے دفاتر پر چھاپے۔ اہم دستاویزات قبضہ میں لے لیں۔ تفصیلات کے مطابق پاناما میں کرائم یونٹ کے اہلکاروں نے آف شور کمپنیوں کی دستاویزات لیک کرنے والی کمپنی موساک فونسیکا کے دفاتر پر چھاپہ مارا اور دستاویزات قبضہ میں لے لیکر ان کی چھان بین کی۔ پاناما کے سرکاری وکیل کے مطابق اس اقدام کا مقصد ان دستاویزات کو حاصل کرنا تھا جن کے متعلق میڈیا میں معلومات شائع کی گئیں اور کمپنی غیرقانونی کاموں میں ملوث ہوئی ہے۔ انہوں نے عندیہ دیا کہ موساک فونسیکا کے ذیلی دفاتر میں بھی چھاپے مارے جائیں گے۔ واضح رہے کہ موساک فونسیکا نامی کمپنی سے حال ہی میں بڑے پیمانے پر دستاویزات اور ڈیٹا لیک ہوا ہے جس نے دنیابھر میں کالے دھن کے مالک لوگوں کو پریشانی کا شکار کر دیا ہے۔ دوسری جانب کمپنی کا کہنا ہے کہ وہ تفتیش کرنے والے اداروں سے تعاون کریں گے۔ انہوں نے اس بات کی تردید کی کہ ان کی کمپنی کوئی غلط کرتی ہے۔ خیال رہے کہ موساک ک فونسیکا سے تقریباً ایک کروڑ سے زائد دستاویزات لیک ہوئیں۔