Tuesday, October 26, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاناما لیکس کی وضاحت کیلئے شریف خاندان کی اشتہاری مہم لاہور ہائیکورٹ میں چیلنج

پاناما لیکس کی وضاحت کیلئے شریف خاندان کی اشتہاری مہم لاہور ہائیکورٹ میں چیلنج
April 29, 2016
لاہور (نائنٹی ٹو نیوز) پاناما لیکس کی وضاحت کے لئے شریف خاندان کی اشتہاری مہم کو لاہور ہائیکورٹ میں چیلنج کر دیا گیا ہے۔ وزیراعظم سے اب تک کا خرچہ لیکر قومی خزانے میں جمع کرانے کی بھی استدعا کی گئی ہے۔ اس سلسلے میں دو درخواستیں لاہورہائیکورٹ میں دائرکی گئی ہیں۔ ایک درخواست عوامی تحریک کے اشتیاق چودھری، دوسری مقامی شہری جاوید بدرنے دائرکی۔ درخواستوں میں بتایا گیا کہ پاناما لیکس کے انکشافات پر کروڑوں روپے کے حکومتی اشہتارات دیئے جا رہے ہیں جن میں شریف فیملی کی صفائیاں اور وضاحتیں دی جا رہی ہیں۔ درخواست میں الزام لگایا گیا ہے کہ کروڑوں روپے کے اشتہار کی رقم وزیراعظم کی جیب کی بجائے قومی خزانے سے ادا کی جا رہی ہے۔ درخواست میں کہا گیا ہے کہ ذاتی وضاحت کے لئے اشتہارات کی رقم کی ادائیگی قومی خزانے سے ادا کرنے کا کوئی قانونی اور اخلاقی جواز نہیں ہے۔ درخواست میں استدعا کی گئی کہ وزیراعظم کو اشتہارات کا خرچہ قومی خزانے میں جمع کرانے کا حکم دیا جائے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔