Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

پاناما لیکس تحقیقات کیلئے چیئرمین سینیٹ کی پارلیمانی کمیٹی کا سربراہ بننے سے معذرت

پاناما لیکس تحقیقات کیلئے چیئرمین سینیٹ کی پارلیمانی کمیٹی کا سربراہ بننے سے معذرت
April 17, 2016
اسلام آباد (نائنٹی ٹو نیوز) چیئرمین سینیٹ نے پاناما لیکس کی تحقیقات کیلیے پارلیمانی کمیٹی کا سربراہ بننے سے معذرت کر لی۔ کہتے ہیں کہ سینیٹ کے حقوق کا کسٹوڈین ہوں کمیشن کی سربراہی کرنے سے مفادات کا تنازع پیدا ہو سکتا ہے۔ قائد حزب اختلاف خورشید شاہ کے بیان پر ردعمل دیتے ہوئے رضار ربانی کا کہنا تھا کہ میں پارلیمنٹ خصوصا سینیٹ کے حقوق کا کسٹوڈین ہوں، کمیشن کی سربراہی کرنے سے مفادات کا تنازع پیدا ہو سکتا ہے۔ خورشید شاہ کا شکرگزار ہوں کہ انہوں نے میرا نام تجویز کیا۔ پاناما لیکس کی تحقیقات میں حقائق سے متعلق مشکل سوالات ہوں گے، ان سوالات کے جوابات حاصل کرنے کیلئے متعلقہ شعبے کی مہارت درکار ہو گی۔ رضا ربانی کا کہنا تھا کہ تحقیقات کے لیے وائٹ کالر کرائم سے متعلق قوانین میں مہارت درکار ہے جو میرے پاس نہیں۔ پارلیمانی کمیٹی کے مؤثر ہونے سے متعلق میرا ایک نقطہ نظر ہے، اس وقت مناسب نہیں ہو گا کہ میں بطور چیرمین سینیٹ اس کمیٹی میں شامل ہوں۔