Monday, January 24, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

ٹیم کی ناقص پرفارمنس کی ذمہ دار آئی پی ایل ہے ، ڈوپلیسیز

ٹیم کی ناقص پرفارمنس کی ذمہ دار آئی پی ایل ہے ، ڈوپلیسیز
June 26, 2019
لندن( سپورٹس ڈیسک )پاکستان کے ہاتھوں ورلڈ کپ2019میں49رنز سے شکست کھا کر میگا ایونٹ سے باہر ہونے کے بعد جنوبی افریقی کپتان فاف ڈو پلیسیز نے انکشاف کیا ہے کہ وہ تھکاوٹ سے بچاو کیلئے فاسٹ بالر کگیسو ربادا کو رواں سال آئی پی ایل میں شرکت سے روکنا چاہتے تھے لیکن ان کی کوشش کارآمد ثابت نہیں ہو سکی۔ انہوں نے کہا کہ مسلسل کھیلنے کے باعث کئی کھلاڑی میگا ایونٹ میں تھکے تھکے نظر آئے ، جنوبی افریقی کرکٹ بورڈ نے ربادا کو آئی پی ایل میں کھیلنے سے روکنے کی کوشش کی تھی تاہم جب ناکامی ہوئی تو یہ تجویز بھی زیر غور آئی کہ انہیں لیگ کے دوران ہی وطن واپس بلا لیا جائے تاکہ ورلڈ کپ سے قبل انہیں تازہ دم ہونے کا موقع ملے ۔ آئی پی ایل کے دوران کمر کی انجری کا شکار ہوکر ربادا خود ہی وطن واپس لوٹنے پر مجبور ہوگئے تھے ،تینوں فارمیٹس کھیلنے والے کھلاڑی بہت زیادہ میچز کھیلنے کے باعث تھکن کا شکار ہوجاتے ہیں۔