فرمان الہی

لاہور:(92 نیوز) چیئرمین پی سی بی محسن نقوی نے ٹیم کے نئے کپتانوں کا اعلان کر دیا۔

پی سی بی نے محمد رضوان کو ون ڈے اور ٹی ٹوئنٹی کا کپتان مقرر کردیا جبکہ سلمان علی آغا نائب کپتان ہوں گے۔ چئیرمین پی سی بی نے محمد رضوان کو پاکستان وائٹ بال ٹیم کا کپتان اور سلمان آغا کو نائب کپتان مقرر کرنے کا اعلان کیا ہے۔

محسن نقوی کا کہنا تھا کہ انگلینڈ سے جیت کے پیچھے سلیکشن کمیٹی کا بہت بڑا ہاتھ ہے، مینٹور اور سلیکشن کمیٹی سے مشاورت کے بعد تمام فیصلے کیے ہیں۔

انہوں نے مزید کہا کہ فخر زمان کے ٹوئٹ اور فٹنس کا ایشو ہے، کھلاڑیوں کو ٹوئٹ کرنے کی اجازت نہیں ہے، ٹوئٹ سے بڑھ کر فخر کی فٹنس کا ایشو ہے۔

محمد رضوان نے کہا کہ چیمپئنز ٹرافی سے قبل بہترین کمبی نیشن بنالیں گے، ہم نوجوان کھلاڑیوں کو موقع دے رہے ہیں۔