ٹکٹوں کی تقسیم پر ناراض امیدواروں کا کارکنوں کے ہمراہ بنی گالہ کے باہر احتجاج

اسلام آباد ( 92 نیوز) پاکستان تحریک انصاف میں  الیکشن 2018 کے لئے ٹکٹوں کی تقسیم پر کارکنوں کے شکوے ختم نہ ہوئے ، ناراض امیدوار کارکنوں کے ہمراہ بنی گالہ کے باہر پہنچ گئے  اور میرٹ کی خلاف ورزی کے خلاف احتجاج کر رہے ہیں ۔ ناراض امیدواروں اور کارکنوں نے  کپتان کی رہائش گاہ کے باہر  احتجاجی کیمپ بھی لگا دیا اور ٹکٹوں کی تقسیم شفاف بنانے کیلئے نعرے بازی  کر رہے ہیں ۔ پی کے67پشاورسے شہزاد خان کے حامی بنی گالہ کے باہرسراپا احتجاج بنے ہوئے ہیں  ۔ کارکنوں کی جانب سے چھاتہ بردارنامنظور،انصاف کرو،انصاف کرو،عمران خان انصاف کروکے نعرے  لگائے جا رہے ہیں ۔ پی کے8سوات کےمحمد خان بھی حامیوں کیساتھ کپتان کی رہائش گاہ کے باہرموجودہیں۔ دوسری جانب کسی بھی ناخوشگوار واقعے سے نمٹنے کیلئے پولیس کی بھاری نفری بنی گالہ پہنچ گئی ہے ۔