Monday, January 24, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

ٹریزا مے باضابطہ طور پر ٹوری پارٹی لیڈر کے عہدے سے الگ ہو گئیں

ٹریزا مے باضابطہ طور پر ٹوری پارٹی لیڈر کے عہدے سے الگ ہو گئیں
June 8, 2019
 لندن (92 نیوز) برطانوی وزیر اعظم ٹریزا مے باضابطہ طور پر ٹوری پارٹی لیڈر کے عہدے سے الگ ہوگئیں تاہم وہ نئے لیڈر کے انتخاب تک وزیر اعظم رہیں گی۔ برطانوی وزیر اعظم ٹریزا مے نے چوبیس مئی کو اپنے عہدے سے مستعفی ہونے کا اعلان کیا تھا۔ انھوں نے بریگزٹ ڈیل پر پارلیمنٹ کو قائل کرنے میں ناکامی کے بعد یہ اعلان کیا تھا۔ برطانوی میڈیا کے مطابق حکمران پارٹی کے نئے لیڈر کے چناؤ میں ایک ماہ لگ سکتا ہے۔ اس دوران  ٹریزا مے   بطور قائم مقام وزیر اعظم خدمات سرانجام دیتی رہیں گی۔ وزارت عظمٰی کی دوڑ میں کئی نامی گرامی سیاستدانوں کے نام بھی سامنے آگئے ہیں ، جن میں کنزرویٹیو پارٹی کے رکن اور وزیر داخلہ ساجد جاوید ، بورس جانسن، ایستھر میک وی، روری سٹیورٹ اور جیرمی ہنٹ شامل ہیں۔