کالا شاہ کاکو :( 92 نیوز) وزیر اعلیٰ پنجاب مریم نواز نے مستحق اور پسماندہ افراد کو تین مرلہ مفت پلاٹ دینے کی سکیم کا آغاز کر دیا ہے۔
تفصیلات کے مطابق، وزیر اعلیٰ پنجاب مریم نواز شریف نے کالا شاہ کاکو میں مسکان راوی 'زہرہ ہومز' کا افتتاح کردیا، تقریب کے دوران انہوں نے مسکان راوی کا دورہ کیا اور تفصیلی معائنہ بھی کیا۔
وزیراعلیٰ نے 100 خاندانوں کو الاٹمنٹ لیٹر اور چابیاں دیں۔ انہوں نے مسکان راوی 'زہرہ ہومز' کے معیار اور سہولیات پر اطمینان کا اظہار کیا۔ مریم نواز کو اس سے قبل پراجیکٹ کے بارے میں بریفنگ دی گئی۔
بریفنگ میں کہا گیا کہ کالا خطائی روڈ، لاہور پر موضع نہرہ پور میں ابتدائی طور پر 100 مکانات تعمیر کیے گئے ہیں، زہرہ ہومز میں ہر گھر 400 مربع فٹ پر محیط ہے، زہرہ ہومز میں دو بیڈروم،ایک باورچی خانہ،ایک باتھ روم اور صحن شامل ہے-
بریفنگ کے مطابق زہرہ ہومز کو ترین ای پی ایس سمارٹ پینل ٹیکنالوجی سے زلزلے سے محفوظ، توانائی کے لحاظ سے مؤثر اور ماحولیاتی طورپرپائیدار بنایا گیا، مسکنِ راوی کا ہر گھر 5 کلو واٹ کے سولر سسٹم سے چلایا جائے گا، کمیونٹی میں صاف پانی کے لیے آر او پلانٹ، ایک اسکول، کھیل کے میدان، مسجد اور ڈسپنسری کی سہولتیں دی گئی ہیں-
بریفنگ میں بتایا گیا کہ مسکنِ راوی ہاؤسنگ اسکیم روڈا اور ای پی ایس سولوشنز پاکستان کی مشترکہ کاوش ہے، تقریب میں صدر مسلم لیگ (ن) نواز شریف کی خدمات اور پراجیکٹس پر ڈاکومنٹری پیش کی گئی۔