Tuesday, October 19, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعلیٰ سندھ کی پولیس حکام کو این اے دو سو چھیالیس میں فول پروف سکیورٹی کی ہدایت

وزیراعلیٰ سندھ کی پولیس حکام کو این اے دو سو چھیالیس میں فول پروف سکیورٹی کی ہدایت
April 13, 2015
کراچی (نائنٹی ٹو نیوز) وزیراعلی سندھ سید قائم علی شاہ نے کہا ہے کہ رینجرز پولیس کے ساتھ مل کر این اے دو سو چھیالیس میں سیکیورٹی کے فول پروف انتظامات کرے۔ این اے دو سو چھیالیس کراچی کے ضمنی انتخاب میں صرف نو روز رہ گئے ہیں جبکہ انتظامیہ امن وامان کو قائم رکھنے کے لئے ہر ممکن اقدامات کر رہی ہے۔ اس سلسلے میں وزیراعلیٰ قائم علی شاہ سے ڈی جی رینجرز سندھ میجرجنرل بلال اکبر نے ملاقات کی جنہوں نے وزیراعلیٰ کو پولنگ کے روز رینجرز کی جانب سے کئے گئے اقدامات پر آگاہ کیا۔ اس موقع پر وزیراعلیٰ نے کہا کہ ضمنی انتخابات میں کسی بھی ناخوشگوار واقعے کو روکنے کے لئے ہر ممکن اقدامات کئے جائیں۔ وزیراعلیٰ قائم علی شاہ سے آئی جی سندھ غلام حیدر جمالی نے بھی ملاقات کی۔ اس موقع پر ڈی آئی جی لاڑکانہ اور ڈی آئی جی سکھر بھی موجود تھے۔ وزیراعلیٰ نے پولیس حکام کو تئیس اپریل کے ضمنی انتخابات میں سیکیورٹی کو فول پروف بنانے کی ہدایت کی۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔