Thursday, December 2, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعظم عمران خان کا ایک بار پھر اپنی ٹیم کو نہ گھبرانے کا مشورہ

وزیراعظم عمران خان کا ایک بار پھر اپنی ٹیم کو نہ گھبرانے کا مشورہ
November 12, 2021 --- ویب ڈیسک

اسلام آباد (92 نیوز) وزیراعظم عمران خان نے ایک بار پھر اپنی ٹیم کو نہ گھبرانے کا مشورہ دیدیا۔ 

وزیراعظم عمران خان کی زیر صدارت تحریک انصاف کی کور کمیٹی اجلاس ہوا۔ پورے اجلاس میں معیشت مہنگائی اور عوامی ریلیف کے اقدامات زیر بحث رہے۔

وزیراعظم نے کہا کل کے میچ میں آپ نے دیکھا کیا ہوا، پراعتماد ٹیم جب خوفزدہ ہوئی تو شکست کا سامنا کرنا پڑا، اگر ٹیم آخر تک پراعتماد رہتی تو نتیجہ مختلف ہوسکتا تھا۔

وزیراعظم عمران خان نے ویلفیئر کے حکومتی اقدامات کو عوام تک پہنچانے پر زور دیا۔ اپنی ٹیم سے سوال کرتے ہوئے کہا ویلفیئر کے اتنے کام ہو رہے ہیں، عوام تک کیوں نہیں پہنچا پا رہے؟۔

عمران خان نے کہا کہ لوگوں کو آسان الفاظ میں بتائیں کہ حکومت ان کیلئے کیا کر رہی ہے۔