Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعظم کی بنوں آمد، تعلیمی اداروں کی بندش پر عمران خان کا اظہار برہمی

وزیراعظم کی بنوں آمد، تعلیمی اداروں کی بندش پر عمران خان کا اظہار برہمی
May 3, 2016
لاہور (نائنٹی ٹو نیوز) وزیراعظم کی بنوں آمد کے موقع پر تعلیمی اداروں کی بندش پر عمران خان نے برہمی کا اظہار کیا ہے۔ کہتے ہیں تعلیم وتربیت کو سیاست کی بھینٹ چڑھانے کی اجازت نہیں دی جا سکتی۔ چیئرمین تحریک انصاف نے وزیراعظم کی بنوں آمد کے دوران تعلیمی اداروں کی بندش پر انتہائی برہمی کا اظہار کیا۔ سماجی رابطے کی ویب سائٹ ٹویٹر پر اپنے پیغام میں عمران خان نے صوبائی حکومت کو آئندہ کسی بھی شخصیت کی آمد کے موقع پر تعلیمی ادارے بند نہ کرنے کی ہدایت کی ہے۔ عمران خان کا کہنا تھا کہ تعلیم وتربیت کو سیاست کی بھینٹ چڑھانے کی اجازت نہیں دی جا سکتی۔ سیاسی سرگرمیوں کیلئے طلبہ وطالبات کو تعلیم سے محروم کرنے جیسی قبیح رسم کے خاتمے کی ضرورت ہے۔ خیبرپختونخوا سے اس بدترین رسم کے خاتمے کا آغاز کریں گے۔ عمران خان نے مزید کہا کہ بچوں کی تعلیم وتربیت مقدس اور اہم ترین فریضہ ہے اس پر کسی قسم کی قدغن برداشت نہیں کریں گے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔