Saturday, September 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی
رجحان

وزیراعظم عمران خان کی ملک میں ڈومیسٹک اور اسکول کرکٹ فریم ورک کی منظوری

وزیراعظم عمران خان کی ملک میں ڈومیسٹک اور اسکول کرکٹ فریم ورک کی منظوری
August 28, 2021 --- ویب ڈیسک

اسلام آباد (92 نیوز) وزیراعظم عمران خان نے ملک میں ڈومیسٹک اور اسکول کرکٹ فریم ورک کی منظوری دے دی۔

وزیراعظم آفس کی جانب سے جاری اعلامیہ کے مطابق وزیراعظم عمران خان کو ڈومیسٹک کرکٹ پر بریفنگ دی گئی ۔ بریفنگ میں اسکول کرکٹ پر خصوصی توجہ مرکوز کی گئی ۔ سینٹرل پنجاب کرکٹ ایسوسی ایشن کے چیئرمین عبداللہ خان سنبل نے وزیراعظم کو بریفنگ دی ۔

وزیراعظم عمران خان نے پی سی بی کے تحت کام کرنے والی تنظیم سی پی سی اے کے تیار کردہ ماڈل کی تعریف کی ۔ وزیراعظم نے ڈومیسٹک اور اسکول کرکٹ فریم ورک کی منظوری دی ۔

اعلامیہ کے مطابق وزیراعظم نے 15 ستمبر سے وسطی پنجاب میں شروع ہونے والی سکول کرکٹ چیمپئن شپ میں اپنی مکمل حمایت کا یقین دلایا ۔ ان کا کہنا تھا کہ اسکول کرکٹ میں حقیقی کرکٹ کے ٹیلنٹ پیدا کرنے اور ان کو تیار کرنے کی بے پناہ صلاحیت ہے۔

اجلاس میں ڈاکٹر فہمیدہ مرزا ، وزیر اعظم کے معاون خصوصی ڈاکٹر شہباز گل شریک ہوئے ۔ سی ای او پاکستان کرکٹ بورڈ وسیم خان اور سی ای او سی پی سی اے خرم نیازی بھی اجلاس میں موجود تھے۔

We will never bother you as we have advance notification system for the latest news and updates. You will see a button at bottom of page to disable anytime.