وزارت مذہبی امور حج فلائٹس شیڈول بنانے میں ناکام، 70ہزار سے زائد عازمین حج متاثر

اسلام آباد (92نیوز) وزارت مذہبی امور حج فلائٹس شیڈول کو حتمی شکل دینے میں ناکام ہو گیا۔ فلائٹ شیڈول نہ بننے کی وجہ سے 70ہزار سے زائد عازمین حج متاثر ہوئے۔ ذرائع کے مطابق پہلی فلائٹ 16 اگست کو روانہ ہو گی لیکن یہ فیصلہ نہیں ہوا کہ کس شہر سے روانہ ہوگی۔ پہلی فلائٹ میں کون کون سے عازمین حج جائینگے تاحال اس کا بھی فیصلہ نہیں ہو سکا۔ ذرائع کے مطابق حج پر جانے والے سرکاری ملازمین کو فلائٹ شیڈول نہ ملنے کی وجہ سے مشکلات کا سامنا ہے۔