Tuesday, January 25, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

وزارت داخلہ کا لائسنس منسوخی کا نوٹیفیکشن معطل

وزارت داخلہ کا لائسنس منسوخی کا نوٹیفیکشن معطل
February 13, 2018

لاہور (92 نیوز) لاہور ہائیکورٹ نے وزارت داخلہ کی جانب سے جاری آٹومیٹک اسلحہ لائسنس منسوخی کا نوٹیفیکشن معطل کرتے ہوئے وفاقی حکومت اور دیگر فریقین سے جواب طلب کر لیا ۔
لاہور ہائیکورٹ میں ذاتی تحفظ کے لیے آٹومیٹک اسلحہ لائسنس منسوخ کرنے کے خلاف گیارہ درخواستوں پر سماعت ہوئی ۔
درخواستگزاروں کی جانب سے ایڈووکیٹ شمائل پراچہ عدالت میں پیش ہوئے ۔
درخواست گزار نے مؤقف اختیار کیا کہ وزارت داخلہ نے ذاتی تحفظ کے لیے آٹومیٹک لائسنس رکھنے والے شہریوں کے لائسنس منسوخ کر دئیے ۔ وزارت داخلہ کی جانب سے شہریوں کو ہدایت کی گئی ہے کہ ذاتی تحفظ کے لیے سیمی آٹومیٹک یا مینوئل اسلحہ رکھیں ۔ وزارت داخلہ نے اسلحہ ہولڈرز کو سنے بغیر لائسنس منسوخ کر دیا ۔
درخواستگزار نے استدعا کی کہ عدالت وزارت داخلہ کی جانب سے اسلحہ منسوخی کا نوٹیفیکشن کالعدم قرار دے ۔
عدالت نے وزارت داخلہ کی جانب سے جاری لائسنس منسوخی کا نوٹیفیکشن معطل کرتے ہوئے وفاقی حکومت اور دیگرفریقین سے جواب طلب کر لیا ۔