Tuesday, December 7, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

نیوزی لینڈ کیخلاف پریکٹس میچ کیلئے قومی ٹیم کا اعلان

نیوزی لینڈ کیخلاف پریکٹس میچ کیلئے قومی ٹیم کا اعلان
January 2, 2018

ولنگٹن ( 92 نیوز ) نیوزی لینڈ الیون کیخلاف پریکٹس میچ کے لیے قومی ٹیم کے 11 کھلاڑیوں کا اعلان کردیا گیا۔  سرفراز احمد کپتان ہونگے ۔  امام الحق، محمد نواز، عامر یامین اور حارث سہیل کو  ڈراپ کردیا گیا ۔

کیویز کیخلاف پریکٹس میچ،گرین شرٹس نے گیارہ کھلاڑیوں کا اعلان کر دیا  ۔سرفرازاحمد قومی ٹیم کے  سپہ سالار ہوں گے  ۔ دیگر کھلاڑیوں میں اظہر علی ،بابر اعظم،فہیم اشرف،فخرزمان ، حسن علی ،محمد عامر ،محمد حفیظ ،رومان رئیس ،شاداب خان اور شعیب ملک شامل  ہیں ۔

امام الحق،محمد نواز،عامر یامین اور حارث سہیل ٹیم میں  جگہ بنانے میں  ناکام رہے،گرین شرٹس آج بارش کے باعث پریکٹس نہیں کر پائے ۔

قومی ٹیم کے ہیڈ کوچ  مکی آرتھر کہتے ہیں دورہ نیوزی لینڈ ہر ٹیم کے لیے مشکل رہا ہے  ۔  پریکٹس کے بعد کھلاڑی کنڈیشنز سے واقف ہو گئے ۔  خود کو اچھی ٹیم ثابت کرنے کے لیے نیوزی لینڈ کو ہرانا ہو گا  ۔

پاکستان اورنیوزی لینڈ الیون کے درمیان پریکٹس میچ کل کھیلا جائے گا  ۔

دونوں ملکوں کے مابین ون ڈے سیریز کا آغاز 6 جنوری سے ہو گا ۔