Monday, October 25, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

نیوزی لینڈ نے بنگلا دیش کو3وکٹوں سے زیر کر لیا

نیوزی لینڈ نے بنگلا دیش کو3وکٹوں سے زیر کر لیا
March 13, 2015
ہملٹن(ویب ڈیسک)نیوزی لینڈ نے بنگلہ دیشن کو ٹھکانے لگانے کے بعد گروپ اے میں ناقابل شکست رہنے کا اعزاز برقرار رکھا۔ بنگلہ دیش کی طرف سے دو سو نواسی رنز کا ہدف انچاسویں اوور میں حاصل کر لیا۔ بنگلہ دیش کی طرف سے محموداللہ کی 128کی شاندار اننگز بھی رائیگاں گئی۔ تفصیلات کے مطابق ہیملٹن  کے سیڈان پارک میں کھیلے گئے میچ میں نیوزی لینڈ نے ٹاس جیت کر فیلڈنگ کا فیصلہ کیا۔ بنگلا دیش کی طرف سے ستائیس رنز پر دو وکٹیں گرنے کے بعد سومیا سرکار اور محمود اللہ نے شاندار بلے بازی کی۔ سومیا نے اکاون رنز کی اننگز کھیلی جبکہ  محمود اللہ نے لگاتار دوسری سنچری بنائی۔ وہ ایک سو اٹھائیس رنز بنا کر ناٹ آؤٹ رہےجبکہ صابررحمان نے تئیس گیندوں پر چالیس رنز بنائے۔ نیوزی لینڈ کی طرف سے ٹرینٹ بولٹ، کورے اینڈرسن اور گرانٹ ایلیٹ نے دو، دو وکٹیں حاصل کیں۔ جوابی اننگز میں نیوزی لینڈ کا آغاز بھی اچھا نہ رہا تینتیس رنز پر دو وکٹیں گر چکی تھیں لیکن راس ٹیلر اور  مارٹن گپٹل نے اسکور آگے بڑھایا۔ گپٹل نے  ایک سو پانچ رنز بنائےراس ٹیلر چھپن رنز بنا کر آؤٹ ہوئے گرانٹ ایلیٹ اور کورے اینڈرسن نے انتالیس انتالیس رنز بنا کر ٹیم کو فتح کے قریب پہنچا دیا۔ گپٹل مین آف دا میچ قرار پائے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔