Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

نیلم جہلم سرچارج کی رقم کسی اور کے ہاتھوں میں جانے کا انکشاف

نیلم جہلم سرچارج کی رقم کسی اور کے ہاتھوں میں جانے کا انکشاف
December 27, 2015
اسلام آباد (92نیوز) بجلی کے بلوں میں نیلم جہلم سرچارج کے نام سے حاصل کی جانے والی رقم کہاں خرچ ہو رہی ہے؟ آڈیٹر جنرل نے بھانڈا پھوڑ دیا۔ عوام کی جیبوں سے نکالے گئے اربوں روپے ڈیم کی تعمیر پرخرچ نہیں کئے جا رہے‘ آڈیٹر جنرل کا انکشاف۔ تفصیلات کے مطابق بجلی کے بلوں پر وصول کئے جانے والے نیلم جہلم سرچارج سے متعلق چشم کشا انکشافات سامنے آئے ہیں۔ آڈیٹر جنرل آف پاکستان نے کہا ہے کہ نیلم جہلم سرچارج کے اربوں روپے ڈیم کی تعمیر پر خرچ نہیں ہو رہے۔ بجلی کی تقسیم کار کمپنیوں نے نیلم جہلم سرچارج سے اکٹھا ہو نے والا پیسہ اپنے پاس رکھ لیا ہے۔ ان کا کہنا ہے کہ رواں سال نیلم جہلم سرچارج کی مد میں 5 ارب 16 کروڑ روپے جمع ہوئے مگر نیلم جہلم سرچارج کے پیسے حکومت کو دیے ہی نہیں گئے۔ آڈیٹر جنرل آف پاکستان نے وزارت پا نی و بجلی سے ایک ہفتے میں جواب طلب کر لیا۔