Sunday, January 23, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

نیب نے ڈی جی اینٹی کرپشن سے بحریہ ٹاؤن سے متعلق تفصیلات طلب کر لیں

نیب نے ڈی جی اینٹی کرپشن سے بحریہ ٹاؤن سے متعلق تفصیلات طلب کر لیں
January 2, 2019
کراچی (92 نیوز) قومی احتساب بیورو نے زمینوں کی خلاف ضابطہ الاٹمنٹ پر بحریہ ٹاون ، ریونیو ڈپارٹمنٹ پنجاب اور دیگر کے خلاف تحقیقات میں ڈی جی اینٹی کرپشن پنجاب کو بھی طلب کرلیا۔ رئیل اسٹیٹ ٹائیکون بحریہ ٹاون کے خلاف زمینوں کی خلاف ضابطہ الاٹمنٹ ،قبضے اور دیگر بدانتظامیوں پر نیب ان ایکشن ہو گیا۔ عدالت عظمی کے احکامات  پر جاری تحقیقات میں اینٹی کرپشن اسٹیبلشمنٹ پنجاب سے ریکارڈ بھی لے لیا گیا۔ بحریہ ٹاون پر الزام ہے کہ محکمہ ریونیو پنجاب کے حکام سے ملکر تجاوزات قائم کی گیئں۔ معاملے کی تحقیقات پہلے سے جاری اور کچھ دستاویز وشواہد بھی جمع کیے گئے ہیں۔ نیب نےعدالت عظمی کے احکامات پر بحریہ ٹاون کے خلاف تحقیقات کا دائرہ بڑھا دیا ہے۔ کراچی میں بھی بحریہ ٹاون کے خلاف سرکاری زمینوں کی الاٹمنٹ اور فروخت کا معاملہ پہلے ہی انکوائریوں کی زد میں ہے۔ پنجاب میں بھی رئیل اسٹیٹ ٹائیکون بحریہ ٹاون مشکل صورتحال سے دوچار ہے۔