Friday, January 28, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

نیب انکوائری کیس میں تفتیشی کی عدم حاضری پر سندھ ہائیکورٹ برہم

نیب انکوائری  کیس میں  تفتیشی کی عدم حاضری پر سندھ ہائیکورٹ برہم
January 30, 2019
کراچی ( 92 نیوز) سندھ ہائیکورٹ میں شہری کے خلاف نیب انکوائری کیس کی سماعت ہوئی جس میں تفتیشی کی غیر حاضری پر عدالت برہم ہوگئی ۔ تفتیشی افسر کی عدم حاضری پر عدالت نے کہا کہ نیب کا یہ حال ہے کہ ڈی جی نیب عدالت میں اور تفتیشی افسر غائب ہے  ، کیوں نہ چیئرمین نیب کو طلب کرلیا جائے  ۔ عدالت نے کہ   انکوائریز میں تاخیر کی یہی وجہ ہے  ۔ ڈی جی نیب کی جانب سے ایکشن لینے کی یقین دہانی پر عدالت نے کہا آپ کیا ایکشن لیں گے، آپ تو آفس جاکر بھول جائیں گے ۔کیوں نہ نیب کے ہر کیس میں آپ کی پیشی کا حکم دیا جائے ۔ عدالت نے ریمارکس میں کہا کہ نیب سندھ کی کارکردگی پر سوالیہ نشان ہے ، نیب اس بات کو یقینی بنائے کہ اگر کسی  کے خلاف ثبوت ہیں تو ہی کارروائی کی جائے ۔ ڈی جی نیب نے عدالت سے معافی مانگتے ہوئے کہا کہ آئندہ تمام تفتیشی افسران کو ہر صورت پیش ہونے کی ہدایت کریں گے ،عدالت نے تفتیشی افسر کو کل ہر صورت پیش ہونے کی ہدایت کردی ۔ سماعت کے بعد ڈی جی نیب سندھ نے صحافیوں کے سوالات سے بھاگتے رہے اور جواب دیے بغیر ہائیکورٹ سے روانہ ہوگئے ۔