نواز شریف کا کہنا ہے کہ این اے 120 کی فتح میرے موقف کی تائید ہے
لندن(92نیوز) لندن پاکستان کی سیاست کا مرکز بن گیا ، حسن نواز کے دفتر میں نواز شریف کی زیر صدارت مسلم لیگ ن کے بڑوں کی بڑی بیٹھک ہوئی ۔ اجلاس میں ملک کی سیاسی صورتحال ، نیب ریفرنسز اور نواز شریف کی واپسی سمیت مختلف امور پر تبادلہ خیال کیاگیا۔
طویل اجلاس کے بعد نواز شریف میڈیاکے سامنے آئے اور این اے 120 میں مسلم لیگ ن کی فتح کو اپنے مقوف کی تائید قرار دیا ۔ سابق وزیر اعظم نے این اے 120 کے حلقے سے غائب ہونے والے افراد کی بات بھی کی ۔
وزیراعظم شاہد خاقان عباسی نے میڈیا سے مختصر بات کرتے ہوئے کہا کہ این اے ایک سو بیس میں جمہوریت کی فتح ہوئی ۔ ان کا مزید کہنا تھا کہ کلثوم نواز کا علاج ابھی جاری ہے
مسلم لیگ ن کی قیادت کے لندن میں ڈیرے اور اہم اجلاس مسلم لیگ کا صدر کون ، نواز شریف کی واپسی کا فیصلہ کیا ہوگا، نئے وزیر خزانہ کا فیصلہ ہوا یا نہیں جیسے سوالات کو جنم دے رہا ہے۔
