Sunday, October 17, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

نوازشریف خود ہی ملزم ہیں اور وہی فرد جرم بنائیں، ایسا نہیں ہو سکتا: اعتزاز احسن

نوازشریف خود ہی ملزم ہیں اور وہی فرد جرم بنائیں، ایسا نہیں ہو سکتا: اعتزاز احسن
May 4, 2016
کراچی (نائنٹی ٹو نیوز) پیپلزپارٹی کے سینئر رہنما سینیٹر اعتزاز احسن کا کہنا ہے کہ نوازشریف خود ہی ملزم ہیں اور وہی فرد جرم بنائیں، ایسا نہیں ہو سکتا، انہیں فورا مستعفی ہو جانا چاہئے۔ سندھ ہائیکورٹ میں میڈیا سے گفتگو میں پیپلزپارٹی کے رہنما اعتزازاحسن کا کہنا تھا کہ یہ کہاں کا انصاف ہے کہ نوازشریف ایک طرف تو پانامہ لیکس کے بعد ملزم بن گئے ہیں اور اب وہی فرد جرم عائد کریں، اصولی طور پر انہیں مستعفی ہو جانا چاہئے۔ ان کا کہنا ہے کہ اپوزیشن جماعتوں کے ٹی آر اوز منظور کر لئے جائیں تو کسی بھی کمیشن کی ضرورت نہیں رہتی۔ نوازشریف پر لازم ہے کہ وہ انیس سو پچاسی سے 2016 تک تمام ذرائع، اثاثوں میں اضافہ اور سالانہ ٹیکس بتایا جائے اور اب تک اپنے تمام ذرائع آمدن ڈکلیئر کریں۔ جائیداد  کا دعوے دار بتائے کہ پراپرٹی کیسے بنائی؟ وزیراعظم کہتے ہیں جس نے جائیداد خود نہ بنائی ہو وہ املاک اپنے نام نہیں رکھتا، اسی لیے حسین نواز نے جائیداد اپنے نام نہیں رکھی۔ وزیراعظم کے اثاثے میٹرو بس اور موٹروے کے کمیشن پر بنے ہیں۔ بڑے بڑے کنٹریکٹ پر ٹانکے لگا کر پارسائی کا دعوی کیا جاتا ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔