Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

ننھی بسمہ کی موت نے پاکستانی حکمرانوں کے طرزعمل کاپول کھول دیا

ننھی بسمہ کی موت نے پاکستانی حکمرانوں کے طرزعمل کاپول کھول دیا
December 23, 2015
لاہور (92نیوز) ایک طرف پاکستانی سیاست دان ہیں جن کے وی آئی پی کلچر نے قوم کی زندگی اجیرن بنا رکھی ہے جبکہ دوسری طرف برطانوی وزیراعظم ڈیوڈ کیمرون ہیں جو اسپتال میں احتیاطی تدابیر اپنائے بغیر وارڈ میں داخل ہوئے تو ڈاکٹر انہیں ڈانٹ پلا کر باہر نکال دیا۔ تفصیلات کے مطابق کراچی میں وی آئی پی کلچر کی بھینٹ چڑھنے والی دس ماہ کی بسمہ کی موت نے پاکستانی حکمرانوں کے طرزعمل کاپول کھول کررکھ دیا ہے۔ پاکستان کے کسی بھی صوبے کاوزیراعلیٰ ہو، وزیرہویاپھرکسی بھی پارٹی کا مرکزی رہنما۔ اسپتال کادورہ کرنا ہو کسی کے پاس تعزیت کے لیے جاناہویاپھرمعمول کی کوئی سیاسی سرگرمی ہو ان کے پروٹوکول دیکھنے کے قابل ہوتا ہے۔ اس دوران کئی بارمریضوں کی جانیں گئیں لیکن حکمرانوں کے کانوں پرجوں تک نہ رینگی۔ دوسری طرف برطانوی وزیراعظم ڈیوڈکیمرون ہیں جولندن کے ایک مقامی اسپتال میں گئے تومریضوں کی عیادت میں مصروف تھے کہ احتیاطی تدابیرنہ اپنانے پر۔ ایک سینئرسرجن نے برطانوی وزیراعظم کوخاطرمیں نہ لایا اور ڈیوڈکیمرون کوکھری کھری سنادیں۔ ڈیوڈکیمرون نے بھی معاملے کی سنجیدگی کااحساس کرتے ہوئے ڈاکٹرکی بات کابرامنانے کی بجائے اپنے افسروں سمیت وارڈسے نکل جانے کوترجیح دی۔