Saturday, December 10, 2022

نائیجیرین فوج نے بوکو حرام کے قبضے سے مزید خواتین اور بچوں کو بازیاب کرا لیا، بازیاب کرائی گئیں خواتین محفوظ مقام پر منتقل: فوجی حکام

نائیجیرین فوج نے بوکو حرام کے قبضے سے مزید خواتین اور بچوں کو بازیاب کرا لیا، بازیاب کرائی گئیں خواتین محفوظ مقام پر منتقل: فوجی حکام
نائجیریا (ویب ڈیسک) نائیجیرین فوج نے شدت پسند تنظیم بوکو حرام کے قبضے سے مزید عورتوں اور بچوں کو بازیاب کرا لیا ہے۔ نائیجیرین فوج کی جانب سے تصاویر جاری کی گئیں ہیں جن میں دکھایا گیا ہے کہ فوجی جوان بازیاب کرائی گئیں لڑکیوں اور خواتین سے بات کر رہے ہیں۔ اس سے پہلے  نائیجیرین فوج نے سامبیسا کے جنگل سے تین سو کے قریب لڑکیوں اور عورتوں کو بازیاب کرایا تھا۔ فوجی حکام کے مطابق حالیہ بازیاب کرائی گئیں خواتین کو محفوظ مقام پر منتقل کر دیا گیا ہے۔ ایمنسٹی انٹرنیشنل کے مطابق دو ہزار چودہ سے اب تک بوکو حرام نے دو ہزار کے قریب خواتین کو اغوا کر رکھا ہے تاہم نائیجیرین فوج نے گزشتہ دو ماہ کے دوران بوکو حرام کے خلاف کارروائیاں کرتے ہوئے کئی علاقوں سے انہیں پسپا کر دیا ہے۔