Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

نائنٹی ٹو نیوز نے اے ٹی آر طیاروں کے شیک ڈاؤن سے متعلق خفیہ رپورٹ حاصل کرلی

نائنٹی ٹو نیوز نے اے ٹی آر طیاروں کے شیک ڈاؤن سے متعلق خفیہ رپورٹ حاصل کرلی
December 16, 2016

 کراچی (92نیوز) نائنٹی  ٹو  نیوز نے اے  ٹی آر  طیاروں کی  شیک  ڈاؤن  رپورٹ حاصل کرلی ۔  رپورٹ کے مطابق دوران پرواز   اے  ٹی  آر  طیاروں کے انجن  بیس بار بند ہوئے جہازوں کی  دیکھ بھال کا نظام بین الاقوامی معیار کے مطابق نہیں  جبکہ ترجمان  پی  آئی اے نے طیاروں کی دیکھ بھال کو میعار کے مطابق قرار دیا، سول ایوی ایشن اور پی آئی اے کے جھگڑے میں عوام وزیراعظم کی طرف  دیکھنے لگے۔

تفصیلات کےمطابق اے ٹی  آر  طیارہ  حادثہ  اور سینتالیس  بے گناہ   معصوم  جانوں کے ضیاع کا ذمہ دار کو ن ہے نائنٹی  ٹو  نیوز نے اے   ٹی  آر  طیاروں کی  سول ایوی ایشن کی شیک  ڈاؤن  رپورٹ حاصل کرلی ۔

تفصیلات کےمطابق رپورٹ میں  ہوشربا انکشافات  سامنے  آئے ہیں  جس کے مطابق   پی  آئی  اے کے  طیاروں کی دیکھ   بھال ،معیار برقرار  رکھنے اور  طیاروں   کے  اڑان   بھرنے کی صلاحیتوں میں  خامیوں کی نشاندہی  کی گئی ہے ۔ رپورٹ کے مطابق   پی   آئی  اے   کے  اے ٹی  آر طیاروں کی  دیکھ بھال کا نظام  عالمی  معیار کے مطا بق نہیں ہے  ساتھ ہی ساتھ  اس رپورٹ میں  سول ا یوی ایشن کی کارکردگی پر بھی سوالیہ  نشان پیدا کر دیا ہے ۔ 2007سے 2011 تک  دوران پرواز اے ٹی آر طیاروں کے انجن 20  بار بند ہوئے  جبکہ  پانچ اے ٹی آر طیاروں کے انجن 90 بار تبدیل یا درست کیے گئے ۔

رپورٹ  اس   بات کا واضح  ثبوت  ہے کہ  اے ٹی آرطیاروں کے انجن میں خرابیوں کا سول ایوی ایشن کو پہلے ہی علم تھا یوں  سول ایوی ایشن کو  سینتالیس   قیمتی جانوں کے  بعد  ہوش  آیا  ہے۔  جس کا واضح   ثبوت  حادثے کے  اگلے روز  پی  آئی  اے  پائیلٹس کی  طرح  سے  اے  ٹی  آر  طیاروں کو  اڑانے سے انکار  اور ملتان  ایئر پورٹ پر طیارے کے انجن میں خرابی  تھی۔

 سوال  یہ ہے کہ  آخر یہ  رپورٹ  اتنے  بڑے   حادثے کے  بعد ہی  کیوں جاری کی پی  آئی  اے کے  نظام میں اس خرابی  کی نشاندہی   پہلے  کیوں نہیں کی گئی جبکہ  سول ایوی ایشن   جو اس بات کی ذمہ دار ہے کہ  ملک  کے  تمام  طیاروں کی  بین الاقوامی  طور پر  دیکھ  بھال  کرنے  کی ذمہ دار ہےاس کی  جانب  سے  بھی  اپنی اس  ناکامی  کا  اعتراف ہے  اتنی  بڑی  رپورٹ  آنے کے  بعد سب نے کہا ہے کہ   وہ اتنے  بڑے  قومی  سانحے کے ذمہ داروں کے خلاف کیا  ایکشن  لیں  گے ۔

دوسری جانب ترجمان پی آئی کا کہنا  تھا کہ حادثے کا شکار ہونے والے ATRطیارے کےانجن میں پہلے سے کسی خرابی کا علم نہیں تھا، پی آئی اے کے طیاروں کی  دیکھ  بھال  بین الاقوامی   معیار کے مطابق کی جاتی ہے ۔