میئر کراچی نے پارٹی کے بلدیاتی نمائندوں کا اجلاس بلا لیا

کراچی (92 نیوز) میئر کراچی نے بلدیاتی سیٹ اپ میں سیاسی طاقت دکھانے کے لئے پارٹی کے بلدیاتی نمائندوں کا اجلاس آج بلا لیا ۔
متحدہ والوں کی جنگ بہادر آباد اور پی آئی بی سے نکل کر قانون کے کٹہرے میں پہنچنے لگی ہے ۔ دونوں گروپوں میں لفظی جنگ کے بعد قانونی جنگ چھڑنے کا امکان ہے ۔
ذرائع کے مطابق فاروق ستار رابطہ کمیٹی کے فیصلوں کےخلاف قانونی جنگ لڑنے کے لئے مشاورت کر رہے ہیں ۔ مشاورت مکمل ہونے پر سندھ ہائیکورٹ میں رٹ دائر کی جا سکتی ہے ۔ فاروق ستار رابطہ کمیٹی کے اجلاس اور فیصلوں پر پہلے ہی سوالات اٹھا چکے ہیں ۔
ذرائع کے مطابق رابطہ کمیٹی نے بھی دفاع کی تیاری کر لی ہے ۔
قانونی جنگ چھڑنے کی صورت میں رابطہ کمیٹی بیرسٹر فروغ نسیم کی خدمات حاصل کرئے گی ۔
دوسری جانب میئر کراچی وسیم اختر بلدیاتی سیٹ اپ میں اپنی اکثریت دیکھانے کے سرگرم ہیں ۔