Monday, December 6, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

مُراد علی شاہ کے سینیٹ نشستیں جیتنے کے بیان پر فواد چودھری اور حلیم عادل شیخ کی کڑی تنقید

مُراد علی شاہ کے سینیٹ نشستیں جیتنے کے بیان پر فواد چودھری اور حلیم عادل شیخ کی کڑی تنقید
February 14, 2021

اسلام آباد/ کراچی (92 نیوز) وزیراعلیٰ سندھ مُراد علی شاہ سینیٹ الیکشن میں سندھ سے 10 نشستیں جیتنے کے بیان پر فواد چودھری اور حلیم عادل شیخ نے کڑی تنقید کردی۔

وفاقی وزیر فواد چودھری نے ٹویٹ میں لکھا کہ وزیراعلیٰ سندھ کہہ رہے ہیں ہم سندھ سے 10 نشستیں جیتیں گے، ظاہر ہے یہ صرف تب ممکن ہے جب آپ دوسری جماعتوں کے ممبران خریدیں۔

اُنہوں نے مزید لکھا کہ یہ ہی وہ روایات ہیں، جن کو جاری رکھنے کے لیے پیپلزپارٹی اوپن ووٹنگ کی مخالفت کرتی ہے اور خفیہ ووٹنگ پر زور دیتی ہے، سپریم کورٹ اس بیان کو ریکارڈ کا حصہ بنائے۔

ادھر اپوزیشن لیڈر سندھ اسمبلی حلیم عادل شیخ نے ردعمل میں کہا، وزیراعلیٰ سندھ کے سینیٹ الیکشن سے متعلق بیان پرسپریم کورٹ کارروائی کرے۔

اُن کا کہنا ہے، گزشتہ سینیٹ انتخابات میں سندھ کے عوام کا پیسہ لٹایا گیا، پیپلزپارٹی نے خیبرپختونخوا میں نوٹوں سے ووٹ خریدے تھے، اب ہارس ٹریڈنگ نہیں چلے گی۔